Toğrul Nərimanbəyovun dəfn ediləcəyi yer açıqlandı

Xalq rəssamı Parisin Passi məzarlığında torpağa tapşırılacaq

Azərbaycanın xalq rəssamı Toğrul Nərimanbəyovun dəfn ediləcəyi yer açıqlanıb. Xalq rəssamı Parisin tanınmış Passi məzarlığında torpağa tapşırılacaq. Bu barədə ANS -ə rəssamın həyat yoldaşı Sevil Nərimanbəyova məlumat verib. Onun sözlərinə görə, Paris merindən dəfnlə bağlı icazə alınıb və dəfnin dəqiq saatı müəyyənləşdirilir.

Xatırladaq ki, Toğrul Nərimanbəyov iyunun 2-də Parisdə vəfat edib. Onun qızı və həyat yoldaşı arasındakı mübahisə səbəbindən rəssamın dəfni bu zamana kimi gecikib. Belə ki, T. Nərimbəyovun qızı onun Azərbayacana gətirilərək Bakıda, həyat yoldaşı isə Fransada dəfn edilməsini istəyirdi.