İstedad

İstedad tükənməz arzuya bənzər,

Heç biri tükənməz, yox ola bilməz.

Tükənən istedad yox olub gedər,

Ötəri bir həvəs, nağıla bənzər.

***

Xəbis istedadı boğmaq istəyər,

Amma gücü çatmaz, əyə də bilməz.

İstedad xəmirtək  böyüyüb şişər,

Hər tərəfdən axar, sıxıla bilməz.

***

Aşar, daşar, yaşar, bəzən titrəyər,

İstedad yerində saya da bilməz.

Bəzən ayaq tutar, bəzən büdrəyər,

Yenə özün tutar, yıxıla bilməz.

    Əlibalayeva Gülnarə

                                 Cəfər Cabbarlı ev-muzeyinin böyük elmi-işçisi, jurnalist