İstanbul Shopping Festivalının tanıtım mərasimi keçirilib

Bu gün Bakıda 8-30 iyun tarixlərində keçiriləcək İstanbul Shopping Festivalının tanıtım mərasimi keçirilib. "Olaylar"ın məlumatına görə,  tanıtım mərasimində festivalın Təşkilat Komitəsinin sədri Vahab Küçük, TRT-nin ümumi müdiri İbrahim Şahin, TRT-nin Bakıdakı təmsilçisi Yüksel Dəyərcan, Təşkilat Komitəsinin üzvü Hüseyin Doğan, Türkiyənin Azərbaycandakı səfirliyinin mədəniyyət üzrə müşaviri Seyid Əhməd Arslan və  azərbaycanlı sənətçilər Alim Qasımov və Tünzalə Ağayeva, Mila Kərimli və Türkiyədən gəlimiş TRT-nin "Axşam Səfası'' qurupu da- iştirak edib. İstanbul  Shopping Festivalının təşkilat komitəsinin sədri Vahab Küçük bu il 3-cü dəfə keçiriləcək,  alış-veriş və əyləncə festivalının məqsədinin İstanbul şəhərinin dünyaya daha yaxşı tanıdılması olduğunu söyləyib. Onun sözlərinə görə, keçən ilin iyun ayında festivalla bağlı İstanbula gedən azərbaycanlıların sayı 35 % artıb.  Festifalın keçirilməsinin əsas məqsədin İstanbulun dünyanın alış-veriş mərkəzlərindən birinə çevirmək olduğunu açıqlayan V.Küçük  bu il festivala qatılan turistlərə yeni bir  xidmət təqdim olunacağını da qeyd edib.