“Sehrli mücrü” Əskişəhərə gedir

Abdulla Şaiq adına Azərbaycan Dövlət Kukla Teatrı 2013-cü il aprelin 23-25-də Türkiyədə (Əskişəhər) keçiriləcək beynəlxalq festivalda iştirak edəcək. Mədəniyyət və Turizm Nazirliyinin məlumatına görə, festival Əskişəhərin 2013-cü ildə "Türk dünyası mədəniyyət paytaxtı" elan olunması münasibətilə keçirilir. Kollektiv sənət bayramında Rəhman Əlizadənin "Sehrli mücrü" tamaşasını nümayiş etdirəcək. UNESCO-nun təşkilatçılığı ilə keçiriləcək festivalda Türkiyə və Azərbaycanla yanaşı, Qazaxıstan, Özbəkistan, Tatarıstan, Çin, İndoneziya, Misir və Yunanıstandan olan teatr nümayəndələrinin də iştirakı gözlənilir. ("OLAYLAR"İA)