“Regionlarda mədəniyyət və turizm”-müşavirə keçiriləcək

Azərbaycan Respublikası Mədəniyyət və Turizm Nazirliyinin müvafiq əmrinə əsasən mart ayının 15-də R.Behbudov adına Azərbaycan Dövlət Mahnı Teatrında  şəhər (rayon) mədəniyyət və turizm şöbələrinin fəaliyyətinə həsr olunmuş "Regionlarda mədəniyyət və turizm: 2012-ci ilin yekunları" ümumrespublika müşavirəsi keçiriləcək. Müşavirəsinin keçirilməsində məqsəd mədəniyyət və turizm sahələrinin inkişafına dair dövlət proqramlarının icrası istiqamətində 2012-ci il ərzində görülən işlərin təhlil edilməsi, regionlarda müvafiq sahələrdə mövcud problemlərin və onların həlli yollarının müzakirəsi, Nazirliyin yerli orqanlarının işi təhlil olunacaq. ("OLAYLAR"İA)