Azərbaycanlı iş adamı müğənni xanımı ilə xeyriyyə aksiyasına qatılıb

Türkiyənin məşhur müğənnisi Ebru Gündeş azərbaycanlı həyat yoldaşı Rza Zərrab ilə onurğa xəstələrinə 100 ədəd yeni texnologiya ilə hazırlanan araba hədiyyə edib. 

"OLAYLAR"ın Türkiyə mətbuatına istinadən verdiyi məlumata görə, 3 mindən artıq onurğa xəstəsi olan ölkədə keçirilən aksiya zamanı Ebru Gündeş və həyat yoldaşı ən çox araba hədiyyə edən cütlük olub. Məşhurlar atdıqları bu addımın gizli qalmasını istəsələr də Türkiyə Onurğa Xəstələri Dərnəyinin rəhbəri Ramazan Baş bu xəbəri yayıb: "Bir əlin verdiyini o biri əl bilməməlidir. Bu düzdür. Lakin bir əlin verdiyini o biri əllər alqışlamalıdır".