Beyonsun həyatının pərdəarxası məlum oldu

Müğənninin həyatı haqqında sənədli film çəkilib

Tanınmış müğənni Beyons haqqında çoxdan gözlənilən sənədli filmin premyerası baş tutub. "Life but a dream", yəni, "Yuxu kimi həyat" adlanan sənədli filmin premyerası Nyu-Yorkda keçirilib.
Beyonse straz daşlarla bəzədilmiş donu və təbəssümü ilə göz qamaşdırıb. Premyerada müğənnini yaxın rəfiqəsi, ABŞ-ın ən tanınmış və ən zəngin aparıcısı sayılan Opra Uinfri, həyat yoldaşı reper Cey-Zi və bacısı Solandj Noulz müşayiət edib.
Sənədli film Beyonsun pərdəarxası həyatından, mahnı məşqlərindən və keçirdiyi sıxıntılardan bəhs edir. Filmdə, demək olar ki, bütün səhnələri Beyonsenin özü səsləndirdiyi kadrarxası mətn müşayiət edir.