Arif Məlikovun mahnılarından ibarət konsert

Heydər Əliyev Sarayında görkəmli Azərbaycan bəstəkarı, Xalq artisti, akademik Arif Məlikovun mahnılarından ibarət konsert proqramı təqdim olunub.

Konsertdə Arif Məlikovun "Azərbaycan", "Güllərim", "Dənizdə ay çiməndə", "Gözlərimin dünyası", "Gəl bizim dağlara", "İnandım", "Sən Əslisən, mən Kərəm", "Şirin qızım", "Qonaq gəl bizə", "Dənizə baxıram", "Günəş ürəkli" və digər unudulmaz mahnıları ifa olunub.

Qeyd edək ki, musiqinin ən müxtəlif janrlarında bəstələri olan Arif Məlikov baletləri, kantataları, operettaları, müxtəlif janrlı kamera-instrumental əsərləri, xalq çalğı alətləri orkestri üçün süitaları, romans və mahnıları, film və tamaşalara musiqiləri ilə milli musiqi xəzinəmizi zənginləşdirib.