İlk və uzunömürlü dueti dağıldı

Müğənnilərin ayrılması sadəcə mətbuat xidməti səviyyəsində açıqlanır. Azərbaycanın ilk və ən uzunömürlü dueti dağıldı. Milli.Az-ın məlumatına görə, tamaşaçılar müğənni Cavanşir Məmmədov və Firuzə İbadovanı artıq bir yerdə görə bilməyəcəklər. Cütlük artıq ayrılmaq barədə qərar verib. Onların hansı səbəbdən ayrılması, aralarında narazılığın olub-olmaması mətbuatdan gizlin saxlanılır. Müğənnilərin ayrılması sadəcə mətbuat xidməti səviyyəsində açıqlanır.
F.İbadovanın prodüseri Zümrüd Güləli qızı Milli.Az-a açıqlamasında bildirdi ki, Cavanşir Məmmədov və Firuzə İbadova dostcasına ayrılıblar. Onlar bundan sonra yaradıcılıqlarını tək davam etdirəcəklər, eyni zmanda F.İbadova müəllimliklə məşğul olacaq.