Türkiyə musiqi dünyasını şoka salan hadisə

Məşhur prodüsserə qarşı ittihamlar irəli sürüldü

Türkiyənin ən məşhur prodüserlərindən biri Doğan Karakaya həbs olunub. Bursa Polis İdarəsinin əməkdaşalrının kazinolarda işləyən çox sayda qadının şikayəti əsasında 43 obyekt sahibi həbs edilib. ANS PRESS-in HaberTürk saytına istinadən verdiyi məlumata görə, həbs olunanlar arasında Türkiyə musiqisinin tanınmış isimlərindən biri, məşhur prodüsser Doğan Karakaya da var.
Ötən həftə qadınların hüquqlarının pozulması, təcavüz və sui-istismarla bağlı şikayəti əsasında keçirdiyi əməliyyat zamanı tutulan Doğan Karakayanın 5 nəfərlə əlbir olduğu məlum olub.
Aparılan axtarış-əməliyyatları zamanı saxlanılan şəxslərin evlərində və mənzillərində 15 tapança, 167 patron, 10 qram narkotik maddə, 522 imzalı kontraktlar, 13 kassa, 13 noutbuk, 12 hard-disk, 5 fləş-disk, 310 DVD, 43 mobil telefon, 3 fotokamera müsadirə olunub.
Qeyd edək ki, Doğan Karakaya Türkiyənin tanınmış müğənniləri arasında yer alan Hadise, Petek Dinçöz, Alişan, Murat Dalkılıç, Tan, Zeynep Dizdar, Toprak və Tuğba Özerkinin prodüseridir.
Karakaya 20-dən çox qadına məcburi sənəd imzaladaraq, onları 20-yə yaxın kazinolarda işləməyə məcbur edib. Bundan başqa, borcunu qaytaran şəxslərin aralarında bağlanmış razılıq sənədlərini geri qaytarmayıb.