Bəstəkar: «50 manata səslərini düzəltdirirlər»

O, bəzi müğənnilərin fırıldaqla məşğul olduğunu da deyib.Əməkdar incəsənət xadimi, bəstəkar Faiq Sücəddinov fonoqram oxuyan müğənniləri sərt tənqid edib.Lent.az-ın məlumatına görə, mətbuat konfransında çıxış edən bəstəkar, həmin müğənniləri fırıldaqçılıqda günahlandırıb: "Mən hər zaman canlı ifanın tərəfdarı olmuşam. İndi fonoqramlar vasitəsi ilə müxtəlif fırıldaqlıqlar edib, insanları aldadırlar.50 manat verib,deyirlər səsimizin ora - burasını düzəldin. Bu cür halların olmağına təəssüf edirəm. Səsi olan müğənni canlı oxusun. Fonoqramla xalqı aldatmasınlar".