Aydın İsmiyev: Azərbaycanda peşəkar turizm şirkətlərinin sayı azdır

Azərbaycanda peşəkar səviyyədə fəaliyyət göstərən turizm şirkətlərinin sayı azdır. "Azadinform" xəbər verir ki, bunu Azərbaycan Mədəniyyət və Turizm Nazirliyinin Turizm şöbəsinin müdiri Aydın İsmiyev bazar ertəsi Xəzər-Avropa İnteqrasiya İşgüzar Klubunun üzvləri ilə görüşündə deyib.
Onun sözlərinə görə, turizm şirkətləri yayda turistləri daha çox Türkiyənin Antalya, yay bitən kimi isə Birləşmiş Ərəb Əmirliklərinin Dubay şəhərinə göndərirlər: "Sanki dünyada başqa şəhərlər yoxdur. Bunun həlli yollarından biri peşəkar kadrların hazırlanması və onların bu işə cəlb edilməsidir".
O qeyd edib ki, ölkədəki 210 turizm şirkətindən təxminən 130-u normal səviyyədə çalışır.