Şövkət Ələkbərovanın xatirə gecəsi keçirilib

"İRƏLİ" İctimai Birliyinin Mədəniyyət və İncəsənət Mərkəzi, Bakı Musiqi Akademiyası Tələbə Gənclər Təşkilatının birgə təşkilatçılığı ilə Bakı Caz Mərkəzində Azərbaycanın xalq artisti, korifey sənətkar Şövkət Ələkbərovanın anadan olmasının 90 illik yubileyinə həsr olunmuş xatirə gecəsi keçirilib. Bildirilib ki, tədbirin keçirilməsində əsas məqsəd dahi sənətkarın xatirəsini yad etməklə yanaşı, Şövkət Ələkbərova yaradıcılığını bir daha gənc nəslə çatdırmaqdır. Belə ki, bu cür  sənətkarın irsinin təbliği gənclərin musiqi zövqünün inkişafı baxımından böyük əhəmiyyət daşıyır. Gecədə  müğənnilər sənətkarın mahnılarını yeni versiyada ifa ediblər. ("OLAYLAR"İA)