İngiltərə ilə 40 illik dostluğumun tarixi və yaxud yada düşən xoş xatirələr.....
"Visions of Azerbaijan "jurnalını ilk dəfə 2011-c- ilin iyul ayında görmüşdüm.Avropa Azərbaycan Cəmiyyətinin Azərbaycan təmsilçisi Taleh Bağıyevlə onun iş kabinetində söhbət edərkən masanın üstündəki jurnal diqqətimi cəlb etdi.Taleh müəllim marağımı hiss edib :" Cəmiyyətimizin jurnalıdır" -dedi.Sonralar bir yerdə işləyəsi olduq. 2011-ci ilin sentyabrından cəmiyyətin Avropa Azərbaycan Məktəbində müəllim işləyirəm.Burada işlədiyim bir il ərzində pedaqoji fəaliyyətim çox yüksək qiymətləndirilib: Azərbaycan Respublikasının Prezidenti İlham Əliyevin sərəncamı ilə mənə "Ən yaxşı müəllim" adı verilmişdir. Müsabiqə qalibi olmaqda mənə metodiki və təşkilati qayğı göstərən müəllim yoldaşlarıma çox minnətdaram. Yeni dərs ilindən Avropa Azərbaycan Məktəbinin Azərbaycan dili və ədəbiyyatı kafedrasının müdiriyəm.Dil dərslərində jurnalın materiallarından da istifadə edirəm. Məktəbin başqa kafedralarında da jurnalın yazı və şəkillərindən səmərəli istifadə olunur. Başqa sözlə, "Visions of Azerbaijan" jurnalı artıq xeyli vaxtdır ki, Azərbaycan məktəblilərinin mütaliə dairəsinə daxil olmuş, dil dərslərində müqayisəli və metodiki dil materiallarının öyrənilməsində əvəzsiz vəsaitə çevrilmişdir.
Jurnalın tərtibatı, yazıların rəngarəngliyi, materialların təqdimat üsulu çox maraqlı görünür.Azərbaycan mətbuat tarixində özünə şərəfli yer tutan "Visions of Azerbaijan " jurnalı Azərbaycan həqiqətlərini, təhsilimizin nailiyyətlərini,ölkəmizin flora və faunasının zəngiliyini dünyaya tanıdan nəşr orqanı kimi oxucuya yaxşı təsir bağışlayır. Bu jurnal 1906-cı ildə nəşrə başlayıb uzun illər bou məktəblilərin oxu kitabı vəzifəsini yerinə yetirən "Məktəb" yurnalının müasir davamısıdır.
"Visions of Azerbaijan" jurnalı məktəbimizin bütün fənn müəllimlərinin də maraq dünyasınıı zənginləşdirir, onların Avropaya açılan yollarını zənginləşdirir
Mən 1972-ci ilin fevalında Böyük Britaniya Universitetlərində rus dilini öyrənən ingilis və şotland tələbələrinin dəvəti ilə 15 gün Böyük Britaniyada səfərdə-təcrübə mübadiləsində olmuşam. O vaxtlar həm Azərbaycan Dövlət Universitetinin Azərbaycan filologiyası fakültəsinin qiyabi şöbəsinin son kursunda oxuyur, həm də leytenant Şmidt adına zavodda tokar işləyirdim.Biz Böyük Britaniyanın paytaxtında , eləcə də Qlazqo, Aberdin, Edinburq kimi böyük şəhərlərin müxtəlif ali məktəblərində olduq, tələbələrlə, professor -müəllim heyəti ilə görüşlər keçirdik, fikir mübadiləsi apardıq.
Səfərdən qayıtdıqdan sonra "Qabaqcıl texnika uğrunda " şoxtirajlı qəzetinin 7 nömrəsində "İngiltərə görüşləri" adı ilə silsilə yazılarımı çap etdirdim.Görkəmli jurnalist Osman Mirzəyev bu yazıları rus dilinə tərcümə edib çapa hazırladı. Səfərdə nümayəndə heyətimizin başçısı olan Qəşəm Aslanov redaktoru olduğu "Azərbaycan gəncləri" qəzetinin iki nömrəsində "Təzadlar ölkəsində" adlı maraqlı yol qeydlərini oxucuların mühakiməsinə verdi.
Bu səfər zamanı Böyük Britaniyanın iri şəhərlərindən aldığım kitablar ,topladığım dil materiallarl və dilçiliyə aid müxtəlif elmi materiallar , informasiyalar "Müasir türk dillərində rus dili və rus dli vasitəsilə başqa dillərdən alınmış sözlərdən əmələ gələn fellər" mövzusunda yazdığım diplom işimdə başlıca yer tutdu.Diplom işinin müdafiəsi zamanı fakültə elmi şurasının qərarına əsasən məni Azərbaycan Respublikası Elmlər Akademiyasının aspiranturasında oxumağa göndərdilər. İngilis dili burada da köməyimə çatdı, minimum imtahanından əla qiymət aldım, ingilis dilində olan elmi ədəbiyyatdan səmərəli istifadə etməyin yollarını öyrəndim.
İngilis dilində elə materiallar var ki, onlarla tanışlıq şagirdləri müxtəlif axtarışlara sövq edir. Bu yaxınlarda ingilis dilli jurnalların birində dünyada heykəli ucaldılan ilk azəbaycanlının məşhur neft milyonçusunun H.Z.Tağıyev olduğu xəbər verilirdi. Müəllif yazırdı ki ,heykəl məşhur neft milyonçusunun öz şəhərində -Bakıda yox, Böyük Britaniyanın Edinburq şəhərində ucaldılmışdır.
Hadisə belə olub.Hindistandan Böyük Britaniyaya- İngiltərəyə qayıdan TOL adlı ingilis zadəganı yolüstü Bakıda Hacı Zeynalabdinin qonağı olur. TOL , evində qonaq qalduğu neft milyonçusunun məktəb və maarif məsələlərinə münasibətinə, xeyriyyəçiliyinə, hümanizminə, qadınların təhsilinə qayğı göstərməsinə valeh olduğuna görə ondan xatirə üçün bir şəkil istəyir. İngilis səyyahı öz vətəninə qayıtdıqdan sonra öz xərci ilə bu şəklin əsasında Edinburqda Hacı Zeynalabdinin heykəlini ucaltdırır.
Şagirdlər bu faktı dəqiqləşdirmək üçün hələ də axtarışlarını davam etdirirlər. TOL - adicə səyyahdırmı,onun adı tam şəkildə necədir, İngiltərədə haqqında söz açılan heykəldən xəbəri olan varmı?
Bu suallara cavab verməkdə şagirdlərimizə kömək edə bilərsinizmi?
Nazim Nəsrəddinov,
Azərbaycan Respublikasının əməkdar müəllimi,
Avropa Azərbaycan Məktəbinin kafedra müdiri.