Azərbaycanlı aktrisa özünü öldürmək istədi

Fidan Axundova həyatındakı ağır günlərdən danışıb

Keçmiş teleaparıcı, "Pərvanələrin rəqsi" teleserialında baş rolun ifaçısı Fidan Axundova həyatındakı ağır günlərdən danışıb. Day.Az saytının məlumatına görə, F.Axundova serial çəkilişlərindən əvvəl onun haqqında yayılan şayiələrə də aydınlıq gətirib."Üç dəfə özümü öldürmək istəmişəm. Həmin anlarda həyatdan o qədər bezmişdim ki, artıq yaşamaq istəmirdim, ölmək istəyirdim ki, heç kimi görməyim. Hətta yaxınlarım da məni ölü hesab edirdilər. Bu şayiələri isə mənim ailəmə zərbə vurmaq istəyən adamlar yayırdılar. Məhz onlara görə intihar etmək istəyirdim", - aktrisa ATV telekanalının "Ümid var" verilişinə bildirib.Hazırda o, xoşbəxtdir və çətin günləri arxada qalıb.