Xalq artisti səhnəni tərk edir

"Son solo-konsertimi verib səhnə ilə vidalaşacağam". Bu sözləri xalq artisti Nisə Qasımova son vaxtlar televiziya kanallarında görünməməyi ilə bağlı axar.az-a danışarkən deyib: "Sentyabr ayında solo-konsert verəcəyəm. Adını müəyyən etməsəm də, konsertin axarını və əsas məqsədini müəyyənləşdirmişəm. Bu konsertdə mən xalqıma, millətimə müraciət edəcəyəm. Əgər o gün xalq, tamaşaçılarım, məni sevənlər alqış xətrinə deyil, sevgi xətrinə saxlaya bilsələr, qalacağam. Saxlaya bilməsələr, səhnəni birdəfəlik tərk edəcəyəm. Efir məkanının bayağılığından yorulmuşam".