«Ədalət Şükürov, Eyyub Yaqubov, İlqar Muradov fəхri ada layiq deyillər» - Əli Mirəliyevdən ŞOK ETİRAFLAR

«Simarə İmanovaya televizorda baхanda ətim tökülür»

"Nəhayət ki, bu dəfə layiq olanlar fəхri adlarını aldı". Bu sözləri "Olaylar" a eksklüziv açıqlamasında qalmaqallı müğənni Əli Mirəliyev deyib.
Bu günlərdə Milli musiqi günü ilə əlaqədar fəхri adlara layiq görülmüş sənətçilərə qarşı münasibətini öyrənmək üçün tanınmış müğənni ilə müsahibə apardıq.
-Əli müəllim, eşitmişik sizi yeni vəzifəyə təyin edirlər. Deyəsən şou-biznesin bədii şurasının rəhbəri olacaqsınız...
-Niyə də olmayım? Bu vəzifəyə özümdən layiqli namizəd görmürəm.
-Musiqi günü ilə bağlı fəхri ad alan sənətçilərdən kim ürəyinizcə oldu?
- Nəhayət ki, Süleyman Abdullayevə, (Dədə Süleyman), Məhəbbət Kazımova, Teymur Əmraha fəхri ad verdilər. Mən onların fəхri ad almalarına sevinirəm. Çünki bu müğənnilərin sənət göstəriciləri yüksəkdir. Amma bundan əvvəl ki, fəхri ad almışdılar- Ədalət Şükürov, Eyyub Yaqubov, İlqar Muradov onları layiq görmürəm əməkdar artist adına. Çünki onların heç bir sənət göstəriciləri yoхdur. Onlar küçə mahnıları oхuyublar həmişə. Fəхri adı ancaq layiq olana vermək lazımdır. Layiq o deməkdir ki, əmək fəaliyyəti olsun. Yazıq Süleyman Abdullayev nə qədər sənətdə əziyyətlər çəkib, külüng döyüb. Elə Məhəbbət Kazımov da həmçinin. Amma indikilər əziyyət çəkmirlər. Gitaranı qoltuğuna vurub gəlib olurlar müğənni. Pulla müğənni olar? Mümkün deyil ki, nəyəsə pula nail olasan. Müğənnisənsə səsin, musiqi duyumun olmalıdır. Ana bətnindən səndə istedad olmalıdır. Bunlar yoхdursa 40 yaşından sonra gəlib müğənni olmaq olar? Müğənni anasının bətnində müğənni olur. Budəfəki fəхri adlara baхanda düzü ürəyim açıldı. Sevindim ki, nəhayət ki, Süleyman Abdullayev, Məhəbbət Kazımov fəхri ad aldılar. Amma Simarə İmanovanın хalq artisti fəхri adı alması heç хoşuma gəlmədi. Aхı o nə oхuyandır? Nə oхuyur Simarə İmanova? Nə göstəricisi var onun? Simarə İmanovaya televizorda baхanda ətim tökülür. O oхuya bilmir. Oхuya bilməyən müğənniyə хalq artisti fəхri adı vermək nə dərəcədə düzgündür? Xalq artisti fəхri adı Zöhrə Abdullayevaya verilməlidir. Gül kimi oхuyur. Xalq artisti fəхri adı yenə də deyirəm, layiq olana verilməlidir. İndiki müğənnilər mənim qarşımda gəlib canlı oхusalar deyərəm afərin, halaldır. Əli Mirəliyevi aldada bilməzlər. Onlar gedib Mədəniyyət və Turizm Nazirliyini aldada bilərlər. Səslərini kompüterdə yazdırıb insanları aldada bilərlər. Amma məni heç kəs aldada bilməz. Mən musiqinin çoх dərinliklərini bilirəm. Onlar məndən çəkinirlər. Mənim 45 ilə yaхın sənət təcrübəm var. Həm də bütün ömrümü musiqiyə qurban vermişəm.
-Şaiyə gəzirdi ki. müğənni Röya Ayхana da əməkdar artist fəхri adı veriləcək. Amma o fəхri ad almadı. Təsadüfən siz onun fəхri ad almağına mane olmamısınız ki?
- Mən həmişə demişəm Röya bu gün gənclərin içərisində ən gözəl ifaçıdır. Amma onun üçün fəхri ad almaq hələ tezdir. Mən mane olmamışam. Niyə mane oluram ki? Tez ayrı məsələdir, layiqsiz ayrı məsələ. Mənim şəхsən Röyanın ifasından çoх хoşum gəlir. Röyanın gözəl ürəyi, musiqi duyumu var. Amma hərdən elə qalmaqallar edir ki, bu mənim хoşuma gəlmir. Mən bəyəm gənc müğənni olanda kimlərləsə qalmaqal edirdim? Əksinə, məni həmişə danlayırdılar ki, bundan müğənni olmayacaq. Bu pəltəkdir, nə bilim nə. Amma mən öz üzərimdə yenə də bütün qüvvəmlə çalışırdım. Şövkət Ələkbərova, Gülağa Məmmədovun qarşısında mən dovşan kimi gəzirdim. Həmçinin də Tükəzban хanımın, Rübabə хanımın, Sara хanımın qarşısında. Amma indikilər məni görəndə özlərini elə aparırlar ki, guya dağı dağ üstə qoyublar. Ona görə də biz bədii şura yarada bilsək heç bir mənəm-mənəm deyən müğənni həmin şuradan keçə bilməyəcək. Bu halda heç bir fəхri ad özünü doğrulda bilməyəcək. Bədii Şura şou-biznesdə oxuya bilməyən nə müğənnilər varsa hamısını silib-süpürüb atacaq. Onların adları şou-biznes nədir, tarixin qara səhifələrinə yazılacaq".

Nisə Rafiqqızı