Populyar türk müğənnisi boşandı

Populyar türk müğənnisi  İşın Qaraca bir il öncə  evləndiyi həyat yoldaşı fotoqraf Sədat Doğandan boşanır. "Olaylar" "Habertürk "ə istinadən xəbər verir ki, 1 yaşında Saşa Mia adında qız övladları  olan cütlüyün boşanma səbəbi   Sədatın səyahətdə olduğu müddətdə  gənc  bir qadınla eşq macərası yaşaması olub. Tez bir zamanda onların münasibətlərini anlayan  İ. Qaraca aldadıldığını öyrənib. Xəyanəti bağışlamayan müğənni  boşanmaq  üçün məhkəməyə müraciət edib. Məhkəmə boşanmanın ilk mərhələsini  sentyabrın 25-nə planlaşdırıb. 
Qeyd edək ki,  İ. Qaracanın  boşanma qərarı yaxınlarını olduqca təəccübləndirib. Bundan öncə münasibətlərində heç bir problemin yaşanmadığını deyən sənətçi  "Şəxsi həyat şəxsi həyatdır, heç bir şey bilmirəm" - deyərək ona ünvanlanan sualları cavabsız qoyub.