Kriminal
Şahin Sultanova hökm oxunacaq tarix məlum oldu
Müdafiə Nazirliyi Hərbi Dəniz Qüvvələrinin (HDQ) sabiq komandanı, vitse-admiral Şahin Sultanov və digər təqsirləndirilən 27 nəfərin cinayət işi üzrə elan olunacaq məhkəmə hökmünün vaxtı məlum olub. Təqsirləndirilən şəxs Ş.Sultanovun vəkili Telman Abdiyev Trend-ə açıqlamasında bildirib ki, iş üzrə məhəkəmə hökmü martın 17-də elan olunacaq: "Məhkəmə müşavirədədir və martın 17-də hökm elan olunacaq".
Külli miqdarda siqaret , mobil telefonlar və qaz balonları aşkar edilib
Tovuz Gömrük İdarəsinin “Sınıq Körpü” gömrük postunun idxal nəzarəti zonasına Gürcüstan Respublikası istiqamətindən daxil olan Azərbaycan Respublikası vətəndaşı ilə idarə etdiyi avtomobildə gömrük nəzarətindən gizlədilən, gömrük orqanına mütləq bəyan edilməli hər hansı əşyanın olub olmaması barədə sorğu-sual aparılıb. Həmin şəxs gömrükçülərə üzərində və idarə etdiyi avtomobildə gömrük nəzarətinə bəyan edilməyən və gömrük nəzarətindən gizlədilən hər hansı predmetin olmadığını bildirirb. Qanunvericiliyə uyğun olaraq avtomobildə və sürücünün üzərində aparılan gömrük yoxlaması zamanı isə külli miqdarda siqaret, mobil telefonlar və qaz balonları aşkar olunub.
Özünü dəmir borudan asıb
Sumqayıt sakini özünü borudan asaraq intihar edib. Məlumata görə, hadisə Sumqayıt şəhərində qeydə alınıb. Belə ki, Corat qəsəbəsi, 255 C ünvanında Babayev Tofiq Zülfəli oğlu evin həyətində özünü dəmir borudan asaraq intihar edib. Faktla bağlı Sumqayıt Şəhər Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb, intiharın səbəbləri araşdırılır.
Akif Çovdarovun məhkəməsi təxirə salınıb
Sabunçu Rayon Məhkəməsində ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarovun və digərlərinin cinayət işi üzrə bu günə təyin olunmuş məhkəmə prosesi baş tutmayıb.
Rusiyada azərbaycanlı iş adamları öldürüldü - 17 milyon apardılar
Rusiyanın Krasnodar şəhərində iki azərbaycanlı iş adamı qətlə yetirilib. Onlar yaşadıqları evin liftində öldürülüblər. Yerli polis artıq 2 şübhəlini saxlaya bilib. Onlardan biri polis işçisidir. Digəri isə həmin iş adamlarının şirkətinin əməkdaşı olub.
Nardaran hadisələri ilə bağlı məhkəmə davam edib
Bu gün Bakı Ağır Cinayətlər Məhkəməsində “Müsəlman Birliyi” hərəkatının sədr müavini Elçin Qasımov və daha 11 nəfər - Nahid Qəhrəmanov, Ağaəli Yəhyayev, Seyfəddin Şirvanov, Fərhad Muradov, Ramil Əliyev, Elgün Axundov, Vüsal Alış, İsa İbrahimov, Seymur Aslanov, Əli Şahbazov və Əmirli Əliyevin cinayət işi üzrə məhkəmə prosesi davam etdirilib.
İstanbuldan qəlyan üçün 80 kq tənbəki gətirən azərbaycanlılar Kiyevdə saxlanılıblar
Kiyevdə gömrük işçiləri iki Azərbaycan vətəndaşının qanunsuz yolla Ukraynaya qəlyan üçün 80 kq-dan çox tənbəki gətirməyə cəhd göstərdiyini aşkarlayıb.
Keçmiş məhkumdan 9 kq marixuana götürülüb
Salyan rayon sakinlərindən narkotik vasitələr aşkar edilərək götürülüb. Daxili İşlər Nazirliyinin mətbuat xidmətindən verilən məlumata görə, Baş Narkotiklərlə Mübarizə İdarəsi və Salyan Rayon Polis Şöbəsi əməkdaşlarının birgə keçirdikləri əməliyyat tədbirləri ilə Arbatan kənd sakini, əvvəllər məhkum olunmuş Əfqan Rüstəmovdan 455 qram marixuana götürülüb. Bundan başqa Salyan Rayon Polis Şöbəsi əməkdaşlarının keçirdikləri əməliyyat tədbirləri nəticəsində Arbatan kənd sakini, əvvəllər məhkum olunmuş Cavid Həsənovun evinə baxış zamanı 0,43 qram çətənə kolu, 9 kiloqram 110 qram marixuana və 1 ədəd tərəzi aşkar edilərək götürülüb.
Bakıda DTX və polis xüsusi əməliyyat keçirdi
Bakıda Dövlət Təhlükəsizlik Xidməti (DTX) və polis əməkdaşları birgə əməliyyat keçirib. Ceyhun Hacıbəyli 11 ünvanında (köhnə "Qarabağ" mehmanxanası yaxınlığında) olan ünvanda axtarış aparılıb. Məlum olub ki, müəyyən dini təriqətə aid sakinlər bura toplaşaraq ibadət edirlər, lakin həmin yer dini qurumların siyahısında qeydiyyatda olmayıb.
Külli miqdarda dollar və qızıl külçələri çıxarmaq istəyənlər saxlanılıb
Külli miqdarda xarici valyuta və qızıl külçələri qaçaqmalçılıq yolu ilə ölkədən çıxarılmasının qarşısı alınıb.
Biznesmen azərbaycanlı killerlər tərəfindən öldürülüb - 16 min dollara
Sank-Peterburq İstintaq Komitəsi 14 il əvvəl kafedə baş verən cinayətin istintaqını başa çatdırıb. Hadisə 2003-cü ildə baş verib. İstintaqın nəticəsinə görə, Azərbaycandan olan kriminal avtoritet Hakmurad Allahverdiyev Yaroslavlda bizneslə məşğul olan həmyerlilərinin qətlini sifariş edib.
Azərbaycana narkotiklər BU ÖLKƏLƏRDƏN gətirilir
2016-cı il ərzində narkotiklərin qanunsuz dövriyyəsində şübhəli bilinən 162 nəfər, o cümlədən 122 Azərbaycan vətəndaşı və 40 əcnəbi vətəndaş (30 İran, 2 Rusiya, 2 Türkiyə, 2 Belarus, 1 Gürcüstan, 1 Hindistan, 1 Pakistan və 1 Tacikistan vətəndaşı) barəsində müvafiq tədbirlər görülüb. 29 halda bu əməlləri törədən cinayətkar dəstə ifşa edilib.
“Rabitə işi”ndə təqsirləndirilən şəxslərdən ikisinin səhhətində problem yaranıb
Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi davam etdirilib.
Hadisə yerindən qaçan sürücü həbs edildi
Daxili işlər və prokurorluq orqanları əməkdaşlarının həyata keçirdikləri təxirəsalınmaz istintaq hərəkətləri və əməliyyat-axtarış tədbirləri nəticəsində Şirvan şəhərində ölümlə nəticələnən yol nəqliyyat hadisəsini törədərək hadisə yerindən qaçmış sürücü həbs olunmuşdur.
Məhkəmədə Ziya Məmmədovun müşavirinin Akif Çovdarova pul verdiyi açıqlanıb
Bakı Ağır Cinayətlər Məhkəməsində Dövlət Avtomobil Nəqliyyatı Xidmətinin mənimsəmədə təqsirləndirilən sabiq nəzarətçisi Rövşən Əhmədovun cinayət işi üzrə məhkəmə prosesi davam etdirilib. Hakim Əfqan Hacıyevin sədrliyi ilə keçirilən prosesdə təqsirləndirilən R. Əhmədov vəkilin suallarını cavablandırıb. O qeyd edib ki, qızılları Ç. Baxşıyevin qızı Fatma Baxşıyevanın həyat yoldaşına verib: "Həmin gün onların evində xidmətçi qadın da vardı".