Lənkəran sakininin evində 3 kq marixuana aşkar edilib

Lənkəran rayon sakininin evində narkotik vasitə aşkar edilib. DİN-dən "Olaylar"a verilən məlumata görə, daxil olmuş məlumat əsasında Lənkəran ŞRPŞ əməkdaşlarının keçirdikləri əməliyyat tədbirləri nəticəsində Liman şəhər sakini Adil Əkbərovun evinə baxış zamanı oradan 3 kiloqram 65 qram marixuana aşkar edilərək götürülüb. Araşdırmalarla onun narkotik vasitəni Nərimanabad qəsəbə sakini Sahib Nəhmətovla birgə əldə etməsi müəyyən edilib. Görülmüş tədbirlərlə S.Nəhmətov da saxlanılıb.