Avtomobildə sıxılmış vəziyyətdə qalmış sürücü çıxarılıb

Böhran Vəziyyətlərində İdarəetmə Mərkəzinə daxil olmuş məlumata əsasən, Ağsu rayonunda "Mercedes" markalı minik avtomobili dərəyə aşıb.

Fövqəladə Hallar Nazirliyindən "Olaylar"a verilən məlumata görə, hadisə yerinə cəlb olunmuş Dövlət Yanğından Mühafizə Xidmətinin müvafiq xilasetmə qüvvələri avtomobildə sıxılmış vəziyyətdə qalmış sürücünü deformasiyaya uğramış nəqliyyat vasitəsindən çıxararaq  aidiyyəti üzrə təhvil veriblər.  Əməliyyat başa çatıb.