10 rayonda xalça emalatxanası istifadəyə verilib

"Dövlət başçısının tapşırığına uyğun olaraq, xalçaçılığın inkişafı məqsədilə 10 rayonda xalça emalatxanası istifadəyə verilib, daha 10 emalatxananın, 5 yun və boyaq maddələrinin qəbulu məntəqəsinin və Sumqayıt Kimya Sənaye Parkında yunəyirici boyaq fabrikinin tikintisi aparılır. Fabrikdə yerli xammal əsasında iplik istehsal ediləcək".

Bunu iqtisadiyyat naziri Şahin Mustafayev dövlət başçısının tapşırıqlarının icrası ilə bağlı keçirilən nazirliyin kollegiya iclasında deyib. Əlavə edib ki, 2019-cu ildə 10 xalça emalatxanasının tikintisi tamamlanacaq, həmin dövrə emalatxanaların sayı 30-a çatdırılacaq.