Azərbaycan 100 min şüşədən artıq gürcü şərabı idxal edib

2017-ci ilin yanvar-iyul aylarında Gürcüstandan Azərbaycana şərab ixracında artım qeydə alınıb. 

2017-ci ilin yanvar-iyul aylarında Gürcüstandan Azərbaycana şərab ixracında artım qeydə alınıb. Qeyd olunan dövr ərzində Azərbaycana 102 342 şüşə gürcü şərabı ixrac olunub. Bu da ötən ilin analoji göstəricisindən 170 faiz çoxdur. Cari ilin ilk yeddi ayı ərzində Gürcüstandan 44 ölkəyə 38,3 mln. şüşə şərab ixrac olunub ki, bu da ötən ilin eyni göstəricisindən 60 faiz çoxdur. İxrac olunmuş şərabın ümumi dəyəri 84,3 mln. dollar təşkil edib. Gürcü şərabının ən çox ixrac olunduğu ölkələrin siyahısına Rusiya (23 740 750), Çin (4 462 631 şüşə), Ukrayna (3 653 334), Polşa (1 427 458) başçılıq edir. Apa.az