İdman
Messi Ronaldu haqda: "Bizi üz-üzə qoymaq..."
Həm Ronaldu, həm də mən bir-birimizin oyunundan əlavə güc alırıq. Bizi üz-üzə qoymaq istəyənlərdən xəbərdarıq və bundan narahat deyilik. Bu sözləri Argentina millisinin və "Barselona"nın hücumçusu Lionel Messi deyib. Sabah Braziliya ilə yoldaşlıq görüşündə üz-üzə gələcək Argentina millisi qarşılaşmanın hazırlıqlarını Çində keçirib. "Tanqoçular"ın kapitanı jurnalistlərə müsahibəsində əvvəlcə "Real"ın hücumçusu Kriştianu Ronaldu ilə müqayisəsinə münasibət bildirib.
Türkiyəni şoka salacaq transfer
Türkiyə çempionu "Beşiktaş" problemlə üzləşib. İstanbul klubu icarə müqaviləsi başa çatan Vinsent Abubakarı heyətdə saxlamağa çətinlik çəkir.Belə ki, "Portu" kamerunlu forvard üçün 10 milyon avro tələb edir. "Beşiktaş" isə bu məbləği ödəmək gücündə deyil. Ötən mövsüm Super Liqada 12 qol vurmuş futbolçu üçün rəhbərlik daha az məbləğ ödəmək niyyətindədi.
"Fənərbağça"nın ikinci transferi
"Fənərbağça" 2-ci transferini reallaşdırmaq üzrədir. İstanbul təmsilçisi "Lion"un yarımmüdafiəçisi Matye Valbuenanın transferini həll edib. Valbuena icarə əsasında 1 il "cim-bom"da çıxış edəcək.Bu keçid "Fənər"ə 4 milyon avroya başa gələcək.
Fernando Torresin bir ayağı "Beşiktaş"da
Gələn mövsüm Çempionlar Liqasında mübarizə aparacaq "Beşiktaş" ulduz futbolçu transferinə hazırlaşır. Türkiyə çempionu "Atletiko"nun hücumçusu Fernando Torreslə maraqlanır. "Ağ-qaralar"ın prezidenti Fikrət Orman mətbuata açıqlamasında "bir ulduz futbolçunu havayı gətirə bilərik" deyib. İstanbul nəhənginin diqqət mərkəzində olan oyunçunun "Atletiko" ilə müqavilə müddəti başa çatan Torresin olduğu müəyyənləşib.
"Valverde baxımlı və maraqlı futbolu sevən mütəxəssisdir"
"Arsenal"ın müdafiəçisi Ektor Belyerin "Mundo Deportivo" nəşrinə müsahibə verib. Gənc futbolçu "Barcelona"da yeni məşqçi təyinatı barədə sualı belə cavablandırıb. "İngiltərədə "Real" və "Barselona"dan başqa digər klubların oyunlarını izləmək çətindir. Buna baxmayaraq "Athletik"in oyunlarına baxmaq imkanım olub. Valverde baxımlı və maraqlı futbolu sevən mütəxəssisdir. O, rəhbərlik etdiyi komandalarda işinin öhdəsindən layiqincə gəlməyi bacarıb. O, "Barselona" üçün yaxşı məşqçidir".
""Real"ın seçdiyi yol düzgün deyildi"
"Real"ın portuqaliyalı müdafiəçisi Pepe yayda klubu tərk edəcəyini təsdiqləyib. Təcrübəli futbolçu "As" nəşrinə açıqlamasında bunları deyib: "Gələcəyim haqqında hələ yanvardan düşünməyə başlamışdım. Müqaviləmin bitməsinə 6 ay qalsa da, klub danışıqlara başlamaqda tələsmirdi.
Arda milli komandadan qovuldu
"Barselona"da çıxış edən Türkiyə millisinin kapitanı Arda Turanın Makedoniya matçından qayıdarkən jurnalist Bilal Meşeyə təyyarədə hücum edərək boğazından yapışıb, təhqir etdiyi haqda məlumat vermişdik. Hadisənin ardından Sloveniya düşərgəsində nələr olacağı maraqla gözlənilərkən Fatih Terim hər kəsi təəccübləndirəcək qərar verib.
"Borussiya"nın yeni baş məşqçisi məlum oldu
Dortmund "Borussiya"sına yeni baş məşqçi təyin edilib. Bundan əvvəl Niderlandın "Ayaks" klubunu çalışdıran Peter Boş artıq Almaniya komandasında işləyəcək. Mütəxəssislə iki illik müqavilə imzalanıb.
IV İslam Həmrəyliyi Oyunlarında uğur qazanan sərhədçilər mükafatlandırılıblar
“Sərhədçi” İdman Olimpiya Mərkəzində IV İslam Həmrəyliyi Oyunlarında iştirak etmiş sərhədçi idmançılarla görüş keçirilib. Dövlət Sərhəd Xidmətinin Mətbuat Mərkəzindən “Olaylar”a verilən məlumata görə, görüşdə qeyd olunub ki, ölkə idmanına daima öz layiqli töhfələrini verən “Sərhədçi” idman klubunun üzvləri Azərbaycan yığma komandasının tərkibində IV İslam Həmrəyliyi Oyunlarına qatılmış, 3 qızıl, 2 gümüş və 2 bürünc medalı qazanıblar.
"Şimali İrlandiya ilə oyuna ciddi hazırlaşırıq"
"Bizim üçün həlledici şanslardan biridir. Bu baxımdan çox ciddi hazırlıq keçirik". Yığmamızın çalışdırıcısı Robert Prosineçki bunu "Belfast Telegraph"a açıqlamasında deyib. Xorvatiyalı mütəxəssis oyuna ciddi hazırlaşdıqlarını bildirib: "Şimali İrlandiya ilə oyuna ciddi hazırlaşırıq. Matça yaxşı köklənmişik.
Alleqri "Yuventus"la bağlı qərarını verdi
"Yuventus"un baş məşqçisi Massimiliano Alleqrinin taleyinə aydınlıq gəlib. Təcrübəli mütəxəssis "qoca sinyora"da qalmağı qərara alıb. PSJ-dən sərfəli təklif alan 50 yaşlı çalışdırıcı "Yuve" ilə yeni müqavilə bağlayaraq, söz-söhbətlərə son qoyub. Yeni sazişə görə, Alleqri 2019-cu ilin yayına qədər A seriyasının çempionunun "sükanı arxası"nda olacaq.
DÇ-2022 Qətərdə keçirilməyə bilər
Futbol üzrə 2022-ci il dünya çempionatının Qətərdə keçirilməsi Doha və qonşu ölkələr arasında diplomatik münasibətlərin pozulması və sərhədlərin bağlanması səbəbindən təhlükə altına düşüb.
Şimali İrlandiya yığmasının üzvü: "Bu, fantastika olar"
Seçmə mərhələsinin ilk dövrəsi bizim üçün yaxşı keçdi. Bu vaxta qədər qeydə alınan nəticələrdən razıyam. Bunu Şimali İrlandiya yığmasının futbolçusu Aaron Hyuz deyib. Britaniya təmsilçisi DÇ-2018-in seçmə mərhələsi çərçivəsində iyunun 10-da Azərbaycan millisinin qonağı olacaq. Şotlandiyanın "Harts" klubunda çıxış edən Hyuz Bakıda meydana çıxsa, yığmada 106-cı oyununu keçirmiş olacaq.
Millimizin rəqibi məğlub oldu, Rusiyadan 3 cavabsız qol
Dünən yığma komandalar yoldaşlıq görüşlərində qüvvələrini sınayıblar. Millimizin DÇ-2018-in seçmə mərhələsindəki rəqiblərindən olan Çexiya Belçika ilə üz-üzə gəlib. Görüş daha güclü futbolçulardan təşkil edilən belçikalıların minimalhesablı qələbəsi ilə nəticələnib. Mundiala ev sahibliyi edəcək Rusiya Macarıstanın qapısından 3 cavabsız top keçiribsə, Türkiyə yığması Makedoniya ilə qolsuz bərabərə qalıb.
La Liqaya vəsiqə qazanan növbəti klub müəyyənləşdi
Növbəti mövsümdə La Liqada mübarizə aparacaq daha bir komanda bəlli olub. Sequndanın 41-ci turunda səfərdə "Saragosa" ilə qolsuz bərabərə qalan "Girona", 86 illik tarixi ərzində ilk dəfə La Liqaya vəsiqə qazanıb. Kataloniya təmsilçisi mövsümün bitiminə bir tur qalmış 2-ci yeri özü üçün təmin edib.