"Bavariya"nın futbolçusu altı aylıq sıradan çıxdı

Almaniya superkubokunda "Borussiya" (Dortmund) klubu ilə görüşdə zədələnən "Bavariya"nın futbolçusu Xavi Martinez son durumuna aydınlıq gəlib. Qol.Az-ın Almaniya mətbuatına istinadən verdiyi məlumata görə, bu gün tibbi müayinədən keçən ispaniyalı futbolçunun ən azı 6 ay yaşıl meydanlardan uzaq qalacağı məlum olub. "Bavariya"nın baş məşqçisi Pep Qvardiola da məlumatı təsdiqləyib. Sol çarpaz bağlarında yırtıq aşkarlanan futbolçunun gələn ilin fevral ayında yaşıl meydanlara qayıdacağı bildirilir.

Qeyd edək ki, "Borussiya" ilə matçın 31-ci dəqiqəsində rəqib futbolçu ilə toqquşma nəticəsində yerdə qalan Martinez oyunu davam etdirə bilməyib.