İtaliya Futbol Federasiyasından iki klubun prezidentinə şok cəza

İtaliya Futbol Federasiyası (İFF) iki klubun - "Latsio" və "Palermo"nun prezidentlərini ağır cəzalandırıb.
Qol.Az-ın İtaliya mətbuatına istinadən verdiyi məlumata görə, buna hər iki prezidentin bəzi transferlər zamanı qanun pozuntularına yol vermələri səbəb olub.
Aparılan araşdırmalardan sonra İFF İntizam Komitəsi "Latsio" prezidenti Klaudio Lotitonu 10 ay, "Palermo"nun rəhbəri Maurizio Zamparinini isə bir illik (12 ay) futboldan kənarlaşdırıb."Latsio" prezidenti Mauro Zarate və Julio Kruzun, "Palermo" rəhbəri isə Pastore, Akuah, Morqanella, Laribi və Melintenin transferlərində günahkar bilinərək cəzalandırılıblar.