Heydər Əliyevin xatirəsinə həsr olunmuş mini futbol turniri başlayır

Aprelin 19-da "AtaBank"nın dəstəyi ilə "AtaHolding" Şirkətlər Qrupunun və  "Sinerji"  Şirkətlər  Qrupunun  əməkdaşları arasında Ümummilli Lider Heydər Əliyevin xatirəsinə həsr olunmuş ənənəvi mini futbol turniri start götürəcək. Bankdan "OLAYLAR"-a daxil olan məlumatda bildirilib ki, yarışda müxtəlif adlarda AtaHolding Şirkətlər Qrupuna  və "Sinerji"  Şirkətlər  Qrupuna daxil olan şirkətlərin futbol komandaları qüvvələrini sınayacaqlar. Reqlamentə əsasən, turnirə qatılacaq 16 komanda 4 qrupda gücünü yoxlayacaq. Qrupda ilk 2 yeri tutan klublar növbəti mərhələyə vəsiqə qazanacaqlar.  AFFA hakimlər briqadasının idarə edəcəyi yarışın artıq püşkatma mərasimi keçirilib.