"Barselona"nın hücumçusu "Yuventus"un hədəfində

Mövsümün sonunda "Barselona"dan ayrılacağı gözlənilən Aleksis Sançez İtaliyadan təklif alıb.

Qol.Az-ın "Corriere dello Sport"a istinadən verdiyi məlumata görə, çilili futbolçu "Yuventus" klubunun maraq dairəsinə düşüb.

Turin təmsilçisi artıq indidən Sançezlə danışıqlara başlamaq niyyətindədir. Təcrübəli futbolçu ilə razılıq əldə olunarsa, Sançez yeni mövsümdən "Yuventus"un şərəfini qoruyacaq.

Qeyd edək ki, 25 yaşlı futbolçu 2011-ci ildə "Udineze"dən "Barselona"ya transfer olunub.