“İqtisadçı” qalib gəldi, “Rabitə” “Azəryol”a qarşı

Bu gün qadın voleybolçular arasında Azərbaycan Super Liqasında final mərhələsinin oyunlarına start veriləcək. Apasport.az saytının məlumatına görə, ölkənin 4 ən güclü komandası mükafatlar uğrunda həlledici mübarizəyə başlayacaq. Voleybol Mərkəzinin meydanında əvvəl III yer uğrunda yarışacaq komandalar çıxacaq. Yarımfinalda rəqiblərinə 2 oyunda uduzan "İqtisadçı" və "Azərreyl" bürünc üçün ilk matçda münasibətlərini aydınlaşdıracaq. Ötən mövsümün ikincisi olan sonuncular mövsümü mükafatsız bitirməmək, "Azərreyl" isə ilk medalı üçün mübarizə aparacaq. Qızıl medallar uğrunda seriyada isə əzəli rəqiblər - "Rabitə" ilə "Azəryol" qarşılaşacaq. 3 qələbəyə qədər mübarizə aparacaq komandalar Azərbaycanın ən güclüsünü müəyyənləşdirəcək. 2008-ci ildə yaradılan Super Liqanın tarixi ərzində daim çempion olan "Rabitə" bu titulunu qorumağa, "Azəryol" isə rəqibinin seriyasına son qoymağa çalışacaq.

Final mərhələsi, 14 aprel

Birinci oyun

III yer uğrunda

"İqtisadçı" - "Azərreyl" - 3:1  (20:25; 25:15; 26:24; 25:23)

Final

18:00. "Azəryol" - "Rabitə"