Ronaldinyonu adı korrupsiya qalmaqalında

Braziliyanın məşhur futbolçularından olan Ronaldinyo pul mənimsəməkdə təqsirkar bilinir. Qol.Az-ın xarici KİV-lərə istinadən yaydığı xəbərə görə, təcrübəli oyunçunun 2007-2010-cu illərdə vətəni Braziliyada yoxsul uşaqlar üçün toplanan yardımın 725 min dollarını mənimsədiyi iddia edilir. 

Artıq bununla bağlı hüquq-mühafizə orqanları araşdırmaya başlayıb.

Qeyd edək ki, Ronaldinyonun ailəsi futbolçunun belə bir hərəkət etmədiyini bildirib.

Bununla bağlı yaxın günlərdə məhkəmə prosesinin başlanacağı gözlənilir.