Raul Amerikada oynamaq istəyir

Qətərin "Əl Sədd" klubunun futbolçusu Raul Qonzales karyerasını Amerika Liqasında davam etdirə bilər. Qol.Az-ın "AS" qəzetinə istinadən verdiyi məlumata görə, bu barədə 36 yaşlı futbolçunun özü deyib. Daha öncə 2015-ci ildə karyerasını başa vuracağını açıqlayan ispaniyalı futbolçu növbəti mövsümdən ABŞ-da oynamaq istədiyini bildirib. Raulla "Los Angeles Qalaksi" və "Nyu York Red Bulls" klubları yaxından maraqlanır.

Qeyd edək ki, Raul 2012-ci ildə "Şalke"dən "Əl Sədd" klubuna transfer olunub.