"Real" "Sevilya"nın kapitanı ilə maraqlanır

"Real" uğurlu çıxışı ilə seçilən "Sevilya"nın kapitanı İvan Rakitiçlə maraqlanır. Qol.Az-ın İspaniya mətbuatına istinadən yaydığı xəbərə görə, Madrid klubu yarımmüdafiəçini transfer etmək üçün indidən "Sevilya" ilə danışıqlara başlayıb. Xorvatiyalı oyunçunun müqaviləsi 2015-ci ildə bitəcəyi üçün klubun Rakitiçin "Real"a getməsinə razılıq verəcəyi bildirilir.

Qeyd edək ki, Rakitiçin təzminat qiyməti 40 milyon avrodur. Ancaq Madrid təmsilçisi daha az məbləğ ödəməyi planlaşdırır.