Mustafa Dənizli: "Yarımfinal oyunları daha fərqli olacaq"

"Oyunu artıq ilk hissədə həll edə bilərdik. Vurduğumuz qoldan sonra bir zərbəmiz də qapı tirindən döndü. Kubokda yolumuzu davam etdirdiyimiz üçün şadam". 

Qol.Az-ın məlumatına görə, bu sözləri "Xəzər Lənkəran" klubunun baş məşqçisi Mustafa Dənizli "Araz Naxçıvan"la kubok matçından (1:0) sonra keçirilən mətbuat konfransında deyib.

Türkiyəli mütəxəssis yarımfinal görüşlərinin daha fərqli olacağını bildirib: "Araz Naxçıvan" yaxşı komandadır, gələn mövsümdən Premyer Liqada çıxış edəcəklərinə inanıram. Yarımfinal oyunları daha fərqli olacaq. Premyer Liqada da bacardığımız qədrə irəliləməyə çalışacağıq".