Dieqo Kosta: "Qarşımıza kim çıxarsa çıxsın..."

"Növbəti mərhələyə yüksəldiyimiz üçün sevinməliyik. 1/4 finalda hansı klubla qarşılaşacağımızı düşünməməliyik. Qarşımıza kim çıxarsa çıxsın, bu mərhələdə bütün rəqiblər güclüdür. Artıq La Liqada qələbə qazanmağa çalışmalıyıq".

Qol.Az-ın İspaniya mətbuatına istinadən verdiyi məlumata görə, bu sözləri "Atletiko" (Madrid) klubunun futbolçusu Dieqo Kosta Çempionlar Liqasının 1/8 finalında "Milan"la baş tutan oyundan (4:1) sonra deyib.

O, "Visente Kalderon" stadionunda onlara dəstək olan bütün azarkeşlərə təşəkkürünü bildirib: "Azarkeşlərimiz möhtəşəm idi. Hər zaman bizi dəstəkləyirlər. Bu qalibiyyəti onlara həsr edirik".