Fabreqas: "Messi hər oyunda meydanda can qoyur"

"Barselona" klubunun yarımmüdafiəçisi Sesk Fabreqas komanda yoldaşı Lionel Messi haqda danışıb. Qol.Az-ın məlumatına görə, Fabreqas İspaniya mətbuatına açıqlamasında Messinin hər oyunda meydanda əlindən gələni etdiyini bildirib: "Komandada heç kəs Messi haqda mənfi fikirlər söyləməyib. Hər oyunda meydanda can qoyan futbolçu varsa, o da Messidir. Onun yaxşı formada olduğunu düşünürəm. Messi dünyanın ən stabil oyun nümayiş etdirən futbolçularından biridir. Onun hər zaman "Barselona"da aparıcı rol oynayacağına şübhə etmirəm".