Falkao parlament seçkisində FOTO

"Monako"nun və Kolumbiya millisinin futbolçusu Radamel Falkaonun adı və şəkillərindən seçki kampaniyasında istifadə olunub. Qol.Az-ın xarici KİV-lərə istinadən yaydığı xəbərə görə, Kolimbiyada keçiriləcək parlament seçkilərində iştirak edəcək namizədlərdən ikisi - Xorxe Franko Pinedo və Fabio Kifuentes təbliğat materiallarına Falkaonun adını yazdırıb və şəkillərini yerləşdirib. Bu isə ölkədə narazılığa səbəb olub.
Falkao açıqlamasında bildirib ki, heç bir partiya və ya namizədi dəstəkləmir:
"Bəzi namizədlər mənim icazəm olmadan, adımdan və şəkillərimdən istifadə ediblər".