Tyerri Anridən Droqbaya sürpriz zəng

Hazırda ABŞ-ın "Nyu-York Red Bullz" klubunda çıxış edən məşhur fransalı futbolçu Tyerri Anri "Qalatasaray"ın ulduzu Didye Droqbaya zəng edib. Apasport.az Türkiyə mətbuatına istinadən xəbər edir ki, Anri fildişi sahilli hücumçunu komandasına gətirmək üçün çalışmalar aparır.
Məlumatlara görə, "Nyu-York Red Bullz" klubu mövsüm sonu İstanbul təmsilçisi ilə müqaviləsi başa çatacaq təcrübəli forvardı heyətinə qatmaq istəyir.
Qeyd edək ki, Droqba ötən ilin yanvarında "Qalatasaray"a keçib.