Braziliyalı futbolçunun "Qalatasaray"a transferi baş tutmadıA A A

"Qremio"nun futbolçusu Aleks Tellesin "Qalatasaray"a transferi baş tutmayıb. Qol.Az-ın Türkiyə mətbuatına istinadən verdiyi məlumata görə, bu barədə İstanbul klubunun prezidenti Ünal Aysal özü bildirib. O deyib ki, müqavilədə şərtlərində hər iki tərəfin razılaşmadığı bəzi məqamlar olduğu üçün braziliyalı yarımmüdafiəçinin "Cim-bom"a keçidi alınmayıb: "Bu səbəbdən artıq digər futbolçuların transferi ilə bağlı danışıqlara hazırlaşırıq".

Qeyd edək ki, bu transferin baş tutmamasının "Qalatasaray"ın çalışdırıcısı Roberto Mançinin narazılığına səbəb olduğu iddia edilir.