Yaxşıların yaxşısı seçiləcək

Bakı Şəhər Gənclər və İdman Baş İdarəsi cari ilin yekunlarına həsr olunmuş təntənəli mərasim keçirəcək. Baş İdarədən "OLAYLAR"-a daxil olan məlumata görə, mərasim dekabrın 24-də Cumeyra Bilgəh Beach Hotelində baş tutacaq.  Mərasimdə il ərzində gənclər və idman sahəsində fərqlənmiş ayrı-ayrı şəxslər Bakı Şəhər Gənclər və İdman Baş İdarəsinin təsis etdiyi "Yaxşıların Yaxşısı - 2013" mükafatına layiq görüləcəklər. Dövlət və hökumət rəsmiləri, millət vəkilləri və gənclər təşkilatlarının rəhbərlərinin iştirak etdiyi mərasimin rəsmi hissəsindən sonra incəsənət ustalarının iştirakı ilə konsert proqramı təşkil olunacaq.