Fatih Terim "Qızıl top" üçün seçimini etdi

Türkiyə millisinin baş məşqçisi Fatih Terim dünyanın ən yaxşı futbolçusuna verilən "Qızıl top" mükafatı üçün seçimini edib. Qol.Az-ın Türkiyə mətbuatına istinadən verdiyi məlumata görə, o, birinci yerə Kriştiano Ronaldonu layiq görüb: "Ronaldo bu mövsüm göstərdiyi oyunla hər kəsi qabaqladı. Bu səbəbdən ilk seçimim o oldu. Məncə, builki mükafat Ronaldonun olacaq". 
Təcrübəli mütəxəssis ikinci pilləyə "Barselona"nın hücumçusu Lionel Messini layiq gördüyünü söyləyib. Terim üçün dünyanın ən yaxşı üçüncü futbolçusu isə "Bavariya"dan Aryen Robbendir.