"Azərreyl"də "yarpaq tökümü" başladı

"Azərreyl"i tərk edən ilk voleybolçunun adı məlum olub. Apasport.az saytının məlumatına görə, "dəmiryolçular"ın amerikalı legioneri Hizer Erin Brun növbəti mövsümdən karyerasını Rusiyada davam etdirəcək.
33 yaşlı blokçu Kazanın "Dinamo" klubu ilə rəsmi müqaviləyə imza atıb. O, növbəti bir ildə Yekaterina Qamovaya komanda yoldaşı olacaq.
Qeyd edək ki, Brun Çempionlar Liqasının 1/4 final mərhələsində "Azərreyl"in heyətində "Dinamo"ya qarşı oynayıb və "Qızıl set"də uduzub.