FİFA bir oyunun nəticəsini ləğv etdi

Beynəlxalq yoldaşlıq görüşü çərçivəsində keçirilən CAR - İspaniya (1:0) matçının nəticəsi ləğv edilib. Qol.Az-ın məlumatına görə, FİFA buna səbəb kimi İspaniya millisinin 7-ci oyunçu dəyişkliyi etməsini göstərib. Görüşün 81-ci dəqiqəsində meydana sonradan daxil olan Viktor Valdes zədələndiyindən ispanlar görüşün baş hakimi və rəqib komandanın razılığı ilə digər qapıçı Pepe Reynanı oyuna daxil ediblər. Buna qədər isə Del Boske 6 dəyişiklikdən istifadə edibmiş. Qaydalara əsasən yoldaşlıq görüşlərində maksimum 6 oyunçu dəyişikliyi edilə bilər. Buna görə də FİFA oyunun nəticəsini ləğv edib.

Qeyd edək ki, bu oyun komandaların reytinqinə də təsir etməyəcək.