Mayk Tayson Bred Piti öldürmək istəyib

Dünyaca məşhur boksçu Mayk Taysonun həyatı haqda yazılan kitabda maraqlı etiraflar yer alıb. Məşhur boksçu ilk evliliyindən, həbsxana həyatından, narkotikə qurşanmasından danışıb. Tayson 1988-ci ildə ailə həyatı qurduğu xanım Robin Givens tərəfindən aldadıldığını, həyat yoldaşının ona aktyor Bred Pitlə xəyanət etdiyini söyləyərək bunları əlavə edib: "1988-ci ildə Robinlə ailə həyatı qurdum. Artıq bir il idi ki, evli idik. Lakin münasibətlərimizdə soyuqluq yarandığı üçün ayrı yaşamağı qərara aldı. Günlərin bir günü Robinin qaldığı evə getdim. Nə görsəm yaxşıdı? Həyat yoldaşım Bred Pitlə yataqda uzanmışdı. Pitin sifətini görərdiniz, elə bil ki, artıq həyatla vidalaşmışdı. Onu öldürməmək üçün mənə yalvarırdı".  "OLAYLAR" İA.