Roberto Karlos: "Ronaldo "Qızıl top"u haqq edir"

Braziliya futbolunun canlı əfsanəsi Roberto Karlos sabiq komandası "Real" (Madrid) klubunun ulduz futbolçuları Ronaldo və Beyl haqda danışıb.
Qol.Az-ın məlumatına görə, Karlos "Real"ın ulduz futbolçusu Kriştiano Ronaldonun bu il "Qızıl top" mükafatını haqq etdiyini bildirib:
"Ronaldo hər oyunda qol vurur. Buna görə də o mükafatlandırılmalıdır. Ronaldo "Qızıl top" mükafatını haqq edir. Bu il mükafatı məhz Ronaldonun qazanacağını düşünürəm. Qaret Beylə gəldikdə isə o da dünyanın ən yaxşı futbolçularından biridir. Uelsli futbolçunun daha da yaxşı olacağına əminəm".