Güləşçilərimiz lisenziya turniri uğrunda mübarizə aparır

Bolqarıstanın paytaxtı Sofiyada London Yay Olimpiya Oyunlarına vəsiqə verən Avropa təsnifat turniri start götürüb. Azərbaycan Güləş Federasiyasının mətbuat xidmətindən "OLAYLAR"-a bildirilib ki, sərbəst güləş yığmamız 3 çəki dərəcəsində lisenziya uğrunda yarışacaq. Baş məşqçi Saypulla Absaidov və böyük məşqçi Firdovsi Umudovun rəhbərliyi altında yığmamızın 4 üzvü Cəbrayıl Həsənov, Əşrəf Əliyev, Şərif Şərifov  və Cəmaləddin Məhəmmədov  Olimpiadaya vəsiqəni artıq təmin edib. Mahmud Məhəmmədov, Toğrul Əsgərov  və Aslanbek Alborov isə ilk lisenziya turnirinə yollanıb.