Mourinyo “Real”la yeni müqavilə imzaladı

Dünyanın ən tanınmış və istedadlı futbol məşqçilərindən olan portuqaliyalı Joze Mourinyo Madridin "Real" klubu ilə olan müqaviləsinin müddətini 2016-cı ilədək artırıb.Lent.az-ın "htspor"a istinadən verdiyi məlumata görə, klub rəhbərliyi ilə aparılan danışıqlardan sonra baş məşqçi İspaniya paytaxtında qalmağa qərar verib. Onun klubdakı məvacibinin məbləği isə açıqlanmır.Qeyd edək ki, Joze Mourinyo "Real"a 2010-cu ildə gəlib. O ilk mövsümdə komandaya İspaniya Kral Kubokunu qazandırıb. Bu mövsüm isə "Qalatikos" 100 xal toplayaraq İspaniya çempionu olub və Çempionlar Liqasının yarımfinal mərhələsinədək irəliləyib.