UEFA-dan “Fənərbağça”ya şad xəbər

UEFA Türkiyənin "Fənərbağça" və "Eskişehirspor" klublarına Avropa kuboklarında iştirak müqabilində gəlirlərinə qoyulan qadağanı aradan qaldırıb. Lent.az-ın məlumatına görə, Avropa futbol qurumu sentyabrda Maliyyə "Fair Play"i çərçivəsində 23 komandaya qarşı araşdırmalara başlamışdı.
Nəticədə həmin klubların UEFA-dan gəlirləri müvəqqəti dondurulmuşdu. Onların arasında Türkiyənin bu iki təmsilçisi də var idi. UEFA klublara borclarla bağlı ətraflı məlumat vermələri üçün sentyabrın 30-dək müddət təyin etmişdi. İndi isə qurum 23 klubdakı vəziyyəti yenidən dəyərləndirərək, "Fənərbağça" və "Eskişehirspor"un da aralarında olduğu 16 kluba qarşı qadağanı götürüb.