Azərbaycan Kubokunun bombardiri müəyyənləşdi

Azərbaycan Kubokunun 2011/12 mövsümündə qapılara 58 qol vurulub. Azerisport.az xəbər verir ki, yarımçıq qaldığı üçün texniki nəticə qeydə alınan "İnter" - "Turan" matçı nəzərə alınmamaqla baş tutan 25 oyunda orta məhsuldarlıq 2,32 qol olub.Bu 58 qolu 47 futbolçu vurub. Yalnız "Bakı"nın futbolçusu Xavyer Junior Vilson cari mövsümün kubok oyunlarında 3 qol vurmağı bacarıb. "Neftçi" ilə final oyununda vurduğu qol onu turnirin ən məhsuldar futbolçusu edib. Kubokun bombardiri hərəyə 2 qol vuran 9 futbolçunu finaldakı uğuru sayəsində arxada qoyub.1-dən artıq qol vuran 10 futbolçudan başqa, daha 37 oyunçu hərəyə 1 dəfə rəqib qapısına yol tapıb.
Qeyd edək ki, Junior bunadək AZAL-la 1/4  final mərhələsinin cavab oyununda fərqlənmişdi. O, həmin oyunda 2 qol vurmuşdu.

yer    futbolçu                      klubu           Qol(penalti)    oyun
1    Junior Xavyer Vilson       Bakı                      3               6
2    Röyal Nəcəfov                Şuşa                     2               1
3    Fair Əmirquliyev             Şahdağ                 2             2
4    Rendall Brenes               Xəzər Lənkəran   2            2
5    Ceyhun Sultanov            Kəpəz                   2               3
6    Yuri Fomenko                Kəpəz                   2               3
7    Katalin Doman               Xəzər Lənkəran   2          3
8    Bahodir Nasimov            Neftçi                   2              5
9    Kontreras Pardo Sergio    Bakı                  2           5
10    Serj Cehua    Qəbələ                                2 (1)         1