Boksçularımız bu gün Ermənistanda olacaq

İrəvanda boks üzrə gənclər arasında dünya çempionatı start götürür

Noyabrın 28-də Ermənistanın paytaxtı İrəvan şəhərində boks üzrə gənclər arasında dünya çempionatı start götürəcək. ANS PRESS-in Ermənistan mətbuatına istinadən verdiyi məlumata görə, bu gün başda Ermənistan boks federasiyanın prezidenti Arman Muradyan olmaqlə təşkilatçılar mətbuat konfransı keçiriblər. Mətbuat konfransında Azərbaycan komandasının bu gün İrəvana gələcəyi bildirilib: "Biz Azərbaycan yığmasına hər bir şəraiti yaradacağıq. Onlar təhlükəsiz şəraitdə yarışda iştirak edəcəklər". Ancaq ermənilərin nə dərəcədə sözlərinin üstündə duracaqlarının yarışın gedişatı zamanı şahidi olacağıq.