"Çelsi"nin baş məşqçisi qovuldu

Roberto Di Matteo tutduğu vəzifədən azad edilib

İngiltərənin "Çelsi" klubunun italiyalı baş məşqçisi Roberto Di Matteo istefaya göndərilib. ANS PRESS-in məlumatına görə, buna səbəb London təmsilçisinin göstərdiyi uğursuz nəticələr olub. Klubun baş məşqçi vəzifələrini hansı mütəxəssisin icra edəcəyinə yaxında günlərdə aydınlıq gələcəyi bildirilir.
Xatırladaq ki, Roberto Di Matteo ötən il klubun baş məşqçisi Andre Villaş-Boaş vəzifəsindən uzaqlaşdırıldıqdan sonra "Çelsi"nin baş məşqçisi postuna gətirilmişdi. Onun rəhbərliyi altında "Çelsi" ötən il Çempionlar Liqasının qalibi olmuşdu.